Efekti Dako- Avdylaj i cili shkaktoi një "tërmet" të vërtetë në 2017, këtë herë po përsëritet në formë komike. Në disa Bashki të vendit manipulimi i votimeve të organizuara, votuara, kontrolluara dhe numëruara nga një parti e vetme po shpërfaqet qartazi. Deri më tani anomalitë qesharake janë vërejtur në Urën Vajgurore, në Malësinë e madhe dhe Divjakës.
Pas shpalljes së rezultateve përfundimtare në Bashkinë e Urës Vajgurore, është evidentuar një mospajtim mes treguesve të pjesëmarrjësve në votim dhe të totalit të votave. Kandidatja e Partisë Socialiste, Juliana Mema (ne foto në mes me Ramën), që garoi për të fituar një mandat të dytë si kryebashkiake. U shpall fituese me 7,666 vota, ndërkohë që numri i votuesve i bërë i ditur nga organi zgjedhor mbrëmjen e djeshme pas mbylljes së votimit, ishte 5900 (Tabela e pare poshtë).
Po ja si duket tabela e rrezultatit përfundimtar.
E njëjta gjë duket se ka ndodhur edhe në Divjakë. Në këtë bashki, sipas të dhënave zyrtare nga KQZ-ja kanë votuar 13000 qytetarë.
Por pas përfundimit të numërimit të votave në Divjakë, kandidati i Edi Ramës, Fredi Kokoneshi (foto majtas) ka fituar me 13513 vota.
Thënë ndryshe në kutitë e votimit të Divjakës janë 513 vota më shumë se votues.
Pra plot 513 vota më shumë.
Pas nuk ka mbetur as Malësia e Madhe. Nga të dhënat zyrtare të KQZ-së në këtë bashki në 30 qershor kanë votuar 7600 qytetarë.
Por pas numërimit të kutive kanë rezultuar se brenda ishin 8265 vota.
Në Malësinë e Madhe ka fituar kandidati i Ramës Tonin Marinaj (foto djathtas) me 7772 vota ose thënë ndryshe 122 vota më shumë se votues. Duke llogaritur këtu edhe 493 vota që ka marrë Pjerin Spathari i Bindjes Demokratike dalin rreth 610 vota të futura në kuti më shumë se njerëz që janë paraqitur në votime.
