“The Prom”, adaptimi kinematografik i muzikalit të Broadway, vjen në “Netflix” me emra të njohur të ekranit si Meryl Streep e Nicole Kidman, të cilave u bashkohet dhe këngëtarja Ariana Grande, e cila bën kështu rikthimin si aktore.
Të tjerë pjesëtarë të kastit janë edhe Awkwafina, Keegan-Micahel Key e Andrew Rannels. Xhirimet pritet të nisin në dhjetor, për filmin që është parashikuar të dalë në vjeshtën e 2020-s.
“The Prom” tregon historinë e katër aktorëve të Broadway, dikur të njohur, të cilët drejtohen për në qytetin Edgewater, Indiana, ku zbulojnë se një nxënëse lesbike nuk është lejuar të marrë të dashurën në ballon e fundvitit.
