Një yll i Youtube-it i njohur për fansat si Etika u gjet i vdekur në moshën 29-vjeçare. Kështu raporton policia e New York-ut.
Desmond Amofah ishte raportuar i zhdukur që prej 19 qershorit, kur postoi në Youtube një video ku flet për depresionin.
Zhdukja e tij shqetësoi shumë nga 321 mijë ndjekësit në Twitter, sidomos sepse në prill ai u shtrua në spital pas një sërë statusesh mbi vetëvrasjen. Alarmi u shtua akoma më tepër pasi “New York Post” raportoi se hetuesit kishin gjetur sendet e tij personale- mes tyre një laptop dhe patentën- në urën e Manhattan-it.
Të hënën në mbrëmje dikush telefonoi 911-ën për të raportuar se kishte parë një trup të pluskonte mbi ujë.
Shkaku i vdekjes së 29-vjeçarit pritet të përcaktohet nga ekspertiza.
Video e fundit e Etikës në Youtube u fshi për shkak se dhunonte rregullat e komunitetit duke folur për vetëvrasjen, megjithatë njerëzit e kanë publikuar disa herë në kanale të tjerë.
