Michel Platini është lëshuar në orët e vona të mbrëmjes, pasi ishtë ndaluar nga policia dhe është marrë në pyetje në Nanterre, në Francë. Në dalje nga komisariati, i shoqëruar nga avokati i tij, ish- presidenti i Uefa është limituar të thotë: "Shumë zhurmë për asgjë, nuk e kuptoj ende c’hyj unë në këtë histori". Për Platini flitej për një akuzë të mundshme për korrupsion për dorëzimin e Botërorit të futbollit 2022 në Katar.
KOMUNIKATA E PLATINI
"Michel Platini, pasi është dëgjuar si dëshmitar vitin e kaluar në kuadër të të njëjtit hetim, ditën e sotme është vënë në regjimin e mbrojtjes përkujdesëse vetëm për arsye teknike. Platini nuk ka asgjë për të fshehur dhe shprehet se është krejtësisht i jashtëm ndaj fakteve. Nuk bëhet fjalë absolutisht për një arrestim por është dëgjuar si dëshmitar, në një situatë të kërkuar nga hetuesit për të evituar që personat që merren në pyetje të mund të akordohen jashtë procedurës".
