Të pesta vajzat e grupit ikonë të viteve ’90 “Spice Girls” janë përfshirë në një projekt të ri, nga “Paramount Animation”.
Filmi i animuar do të përfshijë këngët më të njohura, por edhe të reja. Përfaqësuesit e kompanisë siguruan se të gjitha anëtaret e grupit, Victoria, Mel B, Emma, Mel C dhe Geri, janë shumë të angazhuara dhe shumë entuziaste.
Grupi aktualisht është në turne. “Spice Girls” janë formuar në Londër, në vitin 1994, dhe pati shumë sukses komercial dhe diskografik në pjesën e dytë të viteve ’90, me mbi 85 milionë disqe të shitura. Kënga debutuese e tyre ishte “Wannabe”, më 1996-n.
