Sesioni i merkatos së futbollit sapo është hapur, por për Mauro Icardi vjen goditja e parë, me konfirmimin e dhënë në mesazhin e Aurelio De Laurentiis: "Unë nuk e blej Mauro Icardi". I bezdisur nga një gazetar, presidenti i Napoli (skuadër për të cilën përflitet si destinacion i argjentinasit bashkë me Juventus e Atletico Madrid) ka mohuar vazhdimisht interesimin për të blerë sulmuesin që, ndër të tjeram nuk duket se ka ndërmend të largohet nga klubi zikaltër.
Duke parë kërkesën zikaltër prej 60-70 milionë euro, ishte menduar një këmbim me Lorenzo Insigne (që një javë më parë kishte deklaruar se dëshironte të qendronte) por De Laurentiis ka përgënjeshtruar gjithcka. Ajo për të cilën presidenti ka lënë derën hapur është tratativa me James Rodriguez e Lozano, jo aq nga fjala e përdorur nga ADL ("të shohim") se sa nga mungesa e dëshirës për të refuzuar me forcë pistën si ndodhi për Icardi.
Për sa i përket kolumbianit, kërkesa e Real Madrid është 40 milionë euro, edhe pse në Napoli shpresojnë për një huazim me të drejtën e blerjes me detyrim. Sigurisht duhet një sakrificë edhe e lojtarit për të ulur pagesën prej 6 milionë në vit, por vlerësimi i madh i Ancelotti dhe garancia e një vendi si titulla, mund të jenë decisive në këtë rast.
