Kantaurorja dhe modelja e njohur franceze, Carla Bruni vjen për herë të parë me një koncert për publikun shqiptar.
Ajo do performojë këngë nga albumi i saj i ri ‘Prekje franceze’ të cilat prezantohen për herë të parë.
Nëpërmjet një video këngëtarja ka përshëndetur publikun shqiptar duke i ftuar artdashësit në amfiteatrin e Butrintit më 21 qershor, datë që përkon edhe me festën e muzikës.
“Përshëndetje të gjithëve në Shqipëri. Jam Carla Bruni dhe do këndoj për ju në Ditën e Festës së Muzikës në teatrin e vjetër të Butrintit në orën 21:00,”-tha ajo.
