Në vitin 2008, kur Taylor Swift ishte vetëm një adoleshente, foli për ndarjen ‘e turpshme’ nga Joe Jonas në një intervistë me Ellen DeGeneres. Ajo tha se këngëtari ishte ndarë me të nëpërmjet një telefonate 25 sekondëshe. Vite më pas, në po të njëjtin emision, Taylor tha se ky moment ishte nga më të këqinjtë për të, se ishte vetëm një adoleshente dhe nuk duhej të bënte një deklaratë të tillë. Megjithatë, duket se Joe nuk e ka pasur aspak problem, madje është ndjerë mirë. I ftuar në ‘ITV’s Lorraine’, pjesëtari i ‘Jonas Brothers’ tha se u ndje mirë kur dëgjoi Taylor të shprehej. “Është diçka që edhe unë ndihesha keq me veten time kur kam qenë më i ri, por në fund të ditës, e vazhdova jetën. Mendoj se edhe Taylor ka bërë të njëjtën gjë. Kemi qenë shumë të rinj”, ka thënë Joe. Pavarësisht kësaj situate, të dy këngëtarët vazhdojnë të kenë një marrëdhënie miqësore, secili i lumtur me partnerët e tyre.
