Në një intervistë me David Letterman, Kanye West ka folur hapur për problemet me shëndetin mendor dhe si arrin t’i menaxhojë ato.
“Ke atë momentin kur ndihesh sikur të gjithë duan të të vrasin. S’beson askënd. Kur je në atë gjendje, je hiper-paranojak për çdo gjë e këdo. Kjo është eksperienca ime, njerëz të tjerë kanë eksperienca të tjera. Çdokush sot është një aktor. Çdo gjë është një konspiraci. Ndihesh sikur qeveria të ka futur një çip në kokë. Ndihesh sikur po të regjistrojnë. I ndjen të gjithë këto gjëra.”- ka treguar West për momentet maniake që përjeton nga çrregullimi i bipolaritetit.
