Këngëtarja Taylor Swift, e cila po promovon së fundmi albumin e saj më të ri, ka dhënë po për këtë qëllim një intervistë për agjencinë e lajmeve “Deutsche Presse-Agentur”.
Mirëpo, Swift, për shkak të një pyetje të cilën e ka konsideruar seksiste dhe të papërshtatshme, nuk ka ngurruar të shfaqë karakterin e saj kryeneç. Konkretisht bëhet fjalë për faktin nëse ajo e ka menduar mëmësinë tani që po i afrohet të tridhjetave. “Nuk do t’i përgjigjem kësaj pyetjeje. Mendoj se kurrë nuk do ta kishit pyetur ndonjë koleg timin mashkull që ka mbushur të 30-tat”-i është kundërvënë Swift gazetarit. Këngëtarja e njohur po përflitet së fundmi për një lidhje dashurie me aktorin britanik Joe Alwyn. Swift është një ndër ato personazhe që gjithnjë është komentuar kur bëhet fjalë për lidhje të trazuara dhe të dështuara.
