Fansat e Johnny Depp nisën një peticion drejtuar Disney-t për të rikthyer aktorin në rolin e Jack Sparrow në “Pirates of the Caribbean 6”. Ky projekt është aktualisht në punim e sipër, por janë të shumtë që nuk pranojnë një film pa Johnny Depp.
Depp e humbi rolin pas akuzave të ish-bashkëshortes Amber Heard për dhunë. Më pas ai e akuzoi atë se kishte pikturuar shenjat e dhunës ne trup, duke i bërë që të humbiste rolin dhe çështja është ende duke u gjykuar. Por, tani në ndihmë i vijnë edhe fansat.
