Titulli i 16 kampion i Partizanit meritonte një mbrëmje të denjë për pritjen e gjatë, kohë në të cilën tifozët kryeqytetas ëndërronin ditën kur do të ktheheshin padronë të qytetit. Të ftuar specialë, muzikë e fishekzjarre, të gjithë në nder të lojtarëve të ekipit kampion, që mbërritën në sheshin "Nënë Tereza" me autobusin e tyre, për t’i dhuruar një paradë të jashtëzakonshme stafit dhe lojtarëve të cilët mes entuziazmit u ngjitën në skenë për të filluar një festë madhështore duke u kthyer edhe ata në ultras të vërtetë.
