Personazhi i Madalenës në monodramën “Dashuritë e Virgjëreshës Madalenë” bëri shumë bujë. Skena e masturbimit të aktores Arjola Demiri bëri që emri i saj të lakohej nga të gjitha portalet, por vetë ajo e cilësoi normale dhe të pranueshme për çdo aktor. Demiri ka folur për këtë personazh në studion e emisionit “Ftesë në Pesë”. Sa i përket jetës personale, e lindur dhe rritur në Tropojë, nëna e tre fëmijëve tregoi vështirësitë pas divorcit, por edhe fëmijërinë e vështirë në qytetin e lindjes.
“Ka qenë shumë e vështirë të rritesh në Tropojë, siç është e vështirë të rritesh në çdo cep të Shqipërisë. Sidomos periferitë janë të vështira, janë zona shumë të vështira për vajzat. Mentaliteti ka qenë shumë i ashpër. Do mbylleshe në shtëpi në orën 1 e gjysmë pas mësimit, nuk do dilje jashtë të luaje, erdhi 97’… Ishte shumë e tmerrshme të ishe vajzë në Tropojë” - përfundoi ajo. ©LAPSI.al
