Juventus ka marrë në duar kupën e titullit kampion në Serie A, të tetin radhazi për bardhezinjtë, të pestin e serisë për teknikun Massimiliano Allegri, që ka zyrtarizuar divorcin me torinezët. Emocione dhe lot për lamtumirat e teknikut, që ka marrë elozhet e publikut në Allianz Stadium, por edhe për Andrea Barzagli, që ka varur këpucët në gozhdë, duke hequr dorë nga futbolli i luajtur. Skena ka qenë e gjitha për Cristiano Ronaldo, që përpara ndeshjes ka marrë edhe cmimin si MVP i sezonit, ndërsa në fund I është gëzuar titullit të parë kampion në Serie A…
