Tani kalimi i Ivan Rakitic tek Inter nuk është më vetëm hipotezë e merkatos. Zërat që vijnë nga Spanja bëhen gjithnjë e më shumë insistues e flasim tashmë për një tratativë të avancuar. Sipas Mundo Deportivo, zikaltrit e Barcellona kanë diskutuar kalimin e kroatit dhe mbetet vetëm aprovimi final për trasnferimin e mesfushorit në Milano. Bëhet fjalë për një operacion prej 50 milionë euro, aq sa katalanasit vlerësojnë nënkampionin e botës dhe kampionin e ri të Spanjës. Për finalizimin e bisedimeve duhet pritur fundi i sezonit, që sheh Barcelonën në pritje të luajë finalen e Kupës së Mbretit kundër Valencia.
Rakitic ishte në ikje verën e kaluar, por vendosi të qendronte për të fituar Champions League. Dështimi i misionit europian, e ka bindur të provojë një aventurë të re edhe për shkak të ardhjes nga Ajax të de Jong, që do ti marrë hapësirë. Për më tepër raportet me tifozërinë duken të thyera pas disfatës në Anfield.
Inter, ndërkohë, duket se është skuadra e duhur për Rakitic, që ka marrë propozimin për një rol prej protagonist absolute, me shumë mundësi përkrah mikut të tij Brozovic. Ende nuk ka një akord mes Marotta e lojtarit mbi pagën e kohëzgjatjen e kontratës, por është vetëm cështje kohe edhe pse kosto e operacionit frikëson disi Inter.
