Komediani Freddie Starr ka vdekur në moshën 76 vjeçare në shtëpinë e tij në Spanjë. Këngëtari, aktori dhe komediani u gjet i vdekur në shtëpinë e tij në rajonin e Costa Del Sol.Në një postim në rrjetin e tij social Facebook u konfirmua vdekja e Starr.
“Jam menaxheri i Freddie. Ju konfirmoj se aktori është ndarë nga jeta. R.I.P komedianit më të mirë të të gjitha kohërave,”-shkroi ai.
Trupi i tij raportohet se u zbulua nga një kujdestar në banesën e tij në Mijas.
“Kujdestari i tij e gjeti të vdekur në karrigen e tij rreth orës 15:50. Policia mbërriti në vendngjarje dhe trupi i tij u mor me ambulancë,”-tha një fqinj për Mirror.
Nuk dihet ende shkaku i vdekjes së komedianit.
Starr u bë i famshëm në fillim të viteve 1970, pasi u shfaq në emisionin televiziv Talent Opportunity Knocks. A luajti në disa programe të tjera televizive në vitet ’90 dhe mori famë botërore me “Freddie Starr ate my hamster” në vitin 1986.
Në vitin 2012, ai u arrestua me akuzën për abuzim seksual por nuk u akuzua asnjëherë. Më vonë ngriti një padi për shpifje kundër akuzuesit në vitin 2015.
