Familja Kardashian-Jenner bëri mbrëmë në tapetin e kuq të Met Gala, atë që di të bëjë më mirë, të shkëlqejë.
Kim Kardashian, Kendall Jenner, Kylie Jenner dhe nëna e tyre Kris Jenner, tërhoqën vëmendjen e të gjithëve në tapetin e kuq në Muzeun Metropolitan të New York-ut.
Por ajo që ndodhi pas mbrëmjes gala, ishte akoma më befasuese për sytë tanë.
Kim Kardashian vendosi të shndërrohej në një kukull e veshur me një fustan bojëqielli dhe një paruke ngjyrë argjendi në festën post-gala, e cila u mbajt në “Up And Down”.
Motra e saj Kendall Jenner, 23 vjeç, dukej e veshur më “normale”, me një kostum të bardhë seksi që i ekspozonte këmbët elegante.
Ndërsa Kylie u shndërrua sërish, këtë herë me një paruke tjetër fustan rrjetë të tejdukshëm dhe me pupla gjithandej.
Nëna e tyre nuk ishte në festën pas Met Gala, por paraqitja e saj në tapetin e kuq na mjaftoi për të thënë se është një femër mjaft tërheqëse dhe në formë. Kris Jenner ishte bërë bjonde për eventin dhe nuk e njohëm kur mbërriti me partnerin e saj Corey Gamble.
