Talenti i tij njihet nga të gjithë, aq sa edhe fitoi çmimin “Oscar” për interpretimin e legjendës së muzikës, Ray Charles. Tani Jamie Foxx po përgatitet që të përballet me një sfidë tjetër, të interpretojë Mike Tyson në një film biografik, dëshira e tij prej 10 vitesh dhe tani u bë realitet. Nuk ka të dhëna të tjera rreth këtij projekti.
Mike Tyson mban ende rekordin e boksierit më të ri në moshë që u bë kampion bote në peshën e rëndë, por historia e tij personale dhe sportive përbëhet nga fakte të dhunshme, me akuza përdhunimi dhe dhunë ndaj grave deri tek episodi historik i kafshimit të veshit të Evander Holyfield gjatë një dyluftimi.
