Nuk është ndoshta Barcelona totale e Guardiola e as ajo "bailado" e Luis Enrique, me Neymar e Dani Alves, që solli për herë të fundit Champions në Katalonjë. Por kjo e Valverde është një Barcelonë solide, e ekuilibruar, me fat e njësoj fituese. Konfirmimi është tek 3-0 ndaj Liverpool, dërrmuar nga gjeniu Lionel Messi, pas ndëshkimit si ish nga Suarez në pjesën e parë. Një rezultat gënjeshtar, ndëshkues për anglezët, që për 75' minuta jo vetëm që ishin në lojë, por meritonin edhe barazimin. Pastaj Pleshti argjentinas vendosi që në finale duhet të shkojë ai, pas katër vjetësh mungesë. Nuk është e mbyllur ende, por është një mision pothuaj i pamundur në Merseyside për të rrëmbyer kualifikimin.
https://cdnja.r.worldssl.net/mp4/ma/Maee.mp4
Valverde zgjodhi eksperiencën e Vidal, ndërsa dy ish-liverpulasit Coutinho e Suarez, formojnë tridhëmbëshin me Messi. Nga ana tjetër Klopp nuk rrezikoi Firmino, jo në formë optimale, duke shtuar një mesfushor më shumë, Ëijnaldum, mes Salah e Mané. Anglezët në fakt ishin agresivë dhe e vunë në vështirësi formacionin katalanas. Blaugranat ishin më pak fluidë në fazën e zotërimit të topit, ndoshta edhe nga presingu i Reds.
https://clips.clippit.tv/gevpva/360.mp4
Humbja e Keita për dëmtim, ishte goditja që Klopp e ndjeu shumë, madje edhe skuadra, që as kohën për tu sistemuar me Henderson në fushë, pëson disavantazhin e Luis Suarez. Asist brilant i Jordi Alba dhe uruguajani nxorri jashtë loje Alisson me një prekje në rrëshqitje e sipër. Nuk shënonte në Champions që nga 4 prilli 2018 Pistolero dhe është goli numër 500 i Barça në kompeticion. Por reagimi i anglezëve është i fortë dhe duhet një Ter Stegen në formë të jashtëzakonshme për të ndaluar Salah me të majtën në të 53 minutë.
https://clips.clippit.tv/dnbaba/360.mp4
Barcellona vuajti deri kur Messi vendosi të ishte Mesia. Në minutën e 75 shënoi golin e dytë, me nuhatjen e një gjahtari, duke shfrytëzuar kthimin e topit nga traversa, ndërsa shtatë minuta më pas erdhi kryevepra me goditje dënimi. E pakapshme për Alisson dhe goli jubile për Pleshtin. Gjithnjë e më tepër në historinë e futbollit dhe të Barcelonës Messi: me dygolëshin e shënuar kundër Liverpool, argjentinasi arrin kuotën 600 gola me fanellën e Barcelonës. Shtylla e Salah mund të ishte shpresë për ndeshjen e kthimit, sepse në
Anfield duhet një mrekulli që formacioni i Klopp ta dëgjojë edhe një herë muzikën e Champions në finale...
