Seriali televiziv amerikan “Keeping Up with the Kardashians” që në fillimet e tij ka pasqyruar me detaje momentet më kulminante të jetës së pjesëtarëve të familjes së famshme Kardashian-Jenner.
Duke qenë se skandali më i madh i vitit (të paktën deri më tani) është ai i Tristan Thompson me Jordyn Woods, ai nuk kishte si të mos trajtohej në serial.
Pasi Tristan e tradhtoi Khloe Kardashian me shoqen e ngushtë të Kylie Jenner, pra Jordyn, shumë raporte u shkatërruan.
Do thoni ju: Këtë e kemi e lexuar dhe stërlexuar me qindra herë, por prisni! Fokusi i këtij shkrimi nuk ishte ai që sapo lexuat.
Së fundmi nga një deklaratë e Khloe-t në serialin në fjalë mësuam se ajo nuk i paska pasur marrëdhëniet mirë me babain e vajzës së saj, True, edhe para skandalit të tradhtisë.
Ajo madje ka konsideruar edhe ndarjen si një opsion!
Nuk është aspak për t’u çuditur në fakt, duke marrë parasysh faktin se botërisht Thompson njihet si një tradhtar (kujtojmë këtu videon ku ai shfaqej duke u puthur me dy femra të tjera, pak ditë përpara se Khloe të lindte vogëlushen e saj).
Khloe është shprehur në këtë mënyrë në lidhje me marrëdhënien e lënë në mes me basketbollistin: “Askush nuk e di që kam pasur një luftë të brendshme me veten. Vërtet jam në fazën që po mendoj herë pas here se çfarë aktualisht është më e mira për veten time. Të ndërmarr vendimet e duhura.”
