Flamurtari ka dalë në fushë, edhe pse nuk mund të bënte ndryshe, por ajo që zbriti në fushë në Korçë, për tu ndeshur me Skënderbeun ishte një skuadër e tjetërsuar, të paktën krahasuar me atë fitimtare në katër javët e fundit. Një reagim skuadra do ta bënte, pasi drejtuesit e klubit vlonjat nuk mbajtën premtimin për të bërë pagesat brenda afatit të vendosur nga lojtarët e, sic duket, zgjodhën të mos reagojnë...
Problemet e kuqezinjve nuk kanë të bëjnë fare me ndeshjen e Skënderbeut, që kërkoi dhe mori fitoren që e afron me zonën europiane e i jep moralin e duhur me mendjen në kthimin e Kupës së Shqipërisë, në gjysëmfinalen me Kukësin, ku duhet rikuperuar një gol. Korcarët, në ndeshjen e kunjit, festuan me fitoren 2-0 Pashkët orthodokëse, duke e dominuar takimin: avantazh i Krasniqit në minutën e 27 dhe penalltinë e Gjergji Muzakës katër minuta nga fundi.
48 pikë për formacionin e Ilir Dajës, që këtë herë nuk mund të bënte më shumë, jo për sa kohë situata është e tillë. E megjithatë tani Europa është komplikuar me Teutën që është afruar një pikë distancë, Skënderbeun në kuotën 46 e ku nuk duhet neglizhuar as Laci me 45.
