Justin Bieber tha gjatë festivalit të “Coachella”-s se një album po vinte prej tij së shpejti. Por TMZ ka mësuar se, duhet të paktën dhe 1 vit përpara se albumi i tij të jetë gati dhe të publikohet. Burime të afërta tregojnë për TMZ se, Bieber e tha në nxitim e sipër që albumi i tij do të publikohet së shpejti, pasi u shfaq në skenë me një performancë surprizë me Ariana Grande-n. Po, ai është duke punuar për të realizuar muzikë të re, por ajo fjali për albumin e ri ngacmoi shumë fansat që mezi po e presin. Gjithsesi ky është një marketing i mirë dhe ndërsa vërtetë që këngëtari ka regjistruar disa këngë të reja, por punon për të krijuar të tjera. Kujtojmë se Bieber s’ka publikuar një këngë vetëm prej mbi 3 vitesh, kur prezantoi albumin “Purpose” në nëntor të 2015-s. Ai i tha turmës në “Coachella” se, nuk kishte performuar në skenë prej 2 vitesh dhe po e shijonte shumë.
