Heard dhe Depp janë martuar në 2015. Në maj 2016, ajo e denoncoi për dhunë, dhe më pas u divorcuan. Depp i ka mohuar gjithnjë akuzat, por detajet e sjella nga Amber janë shokuese.
Në deklaratat gjyqësore, ajo shprehet se Depp vazhdimisht e gjuante, i shkulte floket dhe tentonte ta mbyste. “Depp kthehej në një person tërësisht ndryshe, shpesh deluzional dhe të dhunshëm. E quanim atë version të Johnnyt “The Monster”.
Në maj 2014, Depp filloi ta gjuante me objekte teksa ishin në avion, për shkak se ajo kishte filmuar për një projekt, një skenë romantike me James Franco.
“Në vend që të reagoja ndaj sjelljes së tij, thjesht ndërrova vendin ku isha ulur. Kjo nuk e ndaloi. Me qëllim, më shtyu një karrige teksa po ecja, më bërtiste dhe tërë kohës thonte emrin e James.”- tregon aktorja.
