Kampionati nuk jep frymëmarrje dhe në hakun e katër ditëve rikthehet në mesjavë me javën e 28 të Superiores. Për titullin është gjithnjë një garë në distancë, por 90 minutat mund të jenë deçizive për mbijetesën dhe zonën Europiane të renditjes.
Një ndeshje për jashtë a brenda, të paktën për Kastriotin, ajo në Redi Maloku kundër Luftëtarit. Me Tiranën që ka të fituar në tavolinë sfidën me Kazmzën e gjirokastritët që janë aktualisht 7 pikë diferencë, altenativa e vetëm për skuadrën e Devollit është fitorja. Pas suksesit të marrë me Kukësin, besimi për një tjetër rezultat pozitiv ndihet në skuadër, por në anën tjetër domosdoshmëria për të fituar me cdo kusht mund ta penalizojë kundër një formacioni që ka mundur në tre ndeshje radhazi Partizanin kryesues. Me pak fjalë, qendresa e fundit për Kastriotin, sepse nëse nuk e fiton këtë, sforcot e tjera me shumë mundësi do të jenë të kota.
Për titullin, diferenca prej 9 pikësh i jep qetësinë Partizanit, të administojë mini-krizën e daljes nga Kupa dhe humbjes së fundit në kampionat, kur përballë të ketë Skënderbeun. Korcarët kanë 180 minuta më pak në këmbë, duke mos luajtur në Kupë e kampionat, për shkak të ndeshjeve me Kamzën e përjashtuar, por kjo nuk do të ketë shumë vlerë me të kuqtë e Gegës që duan me cdo kusht të mios rrezikojnë kthimin e Kukësit, që tani ka një njohje të vjetër në pankinë. Ernest Gjoka, trajneri që i ka dhënë titullin e vetëm Bluve, duhet ta nisë nga transferta e Lacit, një kundërshtar frikësues në momentin më të papërshtatshëm për verilindorët.
Pas shuplakës së Teutës dhe me pozicionimin dy pikë larg durrsakëve, që duhet të luajnë në Vlorë me Flamurtarin, kurbinasit e Starovës hedhin sytë nga Europa, ashtu si edhe vlonjatët me 41 pikë secili. Tre skuadra në lojë për Europën dhe duhet patur parasysh që Teuta vjen nga periudhë jo, me daljen nga Kupa dhe një golavarazh 1-8 në tre ndeshjet e fundit. Aspak premtues po të mendosh se tetë javë nga fundi rrezikon të parakalohet për Europën…
