marrëdhënia mes tyre është krisur dy vitet e fundit. Ndoshta e keni vënë re që, Ledri Vula dhe Getoar Selimi nuk janë parë më bashkë dhe për këtë ka një arsye.
Vula vendosi të sqaronte në emisionin “NIN” se, pavarësisht që nuk shihen bashkë, në fakt ata nuk kanë hatërmbetje.
“Nuk është që nuk flasim, jetët kanë marrë rrugë të tjetra. E kam në Instagram, nuk kam diçka kundër. E shoh çfarë bën, edhe ta takoj s’e kam problem. Çfarë ka ndodhur, ka ndodhur, njeriu duhet të falë. Nuk është që më ka bërë gjë. Prej atëherë nuk e kam parë të arsyeshme të qëndroj aty, i kam parë si re të zeza edhe kam dashur të largohem prej reve të zeza. Nuk kam asgjë kundër, do të doja t’i shikoja mirë të gjithë këta, Unikkatili-n, Noizy-n…”, tha Ledri.
Kujtojmë se krisja mes tyre nisi në 2017-n, kur Kernar Çoçaj dhe Ledri Vula u dhunuan fizikisht, ndërsa Getoari u përfshi në këtë histori, sepse ndodhej me Ledrin gjatë ngjarjes. Mësohet se ai i doli në mbrojtje partnerit të përfolur të Luana Vjollcës dhe jo reperit.
