Kim Kardashian dhe Khloe Kardashian duket se paskan dorë (për të vjedhur) kur dalin nëpër dyqane, pavarësisht se janë në gjendje të përballojnë çdo gjë që mund të duan në jetë.
Dy motrat kanë kujtuar episodin kur një herë vodhën një palë syze të shtrenjta Dior dhe nuk ndalnin dot së qeshuri.
Duke folur për promovimin e linjës së saj të re të syzeve, Kim kujtoi se kur dy motrat ishin adoleshente, kishin shkuar në një udhëtim në Hawaii dhe kishin hyrë në një dyqan syzesh.
“Ne ishim në Hawaii dhe ishte ky dyqani Christian Dior dhe askush nuk punonte atje … Ishte bosh dhe Khloe me të vërtetë i donte syzet Dior, kështu që i mori ato dhe ne u larguam”.
Khloe qeshte teksa kujtonte këtë episod aspak të këndshëm, ndërsa u shpreh se ende i ka syzet që ka vjedhur.
