Maurizio Sarri sheh përpara duke kërkuar të mos shqetësohet shumë për zërat që flasin për një Roman Abramovich në presing ndaj zgjedhjeve të formacionit nga trajneri i tij. Në pritje të ndeshjes me West Ham, që do të luhet nesër mbrëma, tekniku i Chelsea ka kërkuar të qartësojë natyrën e raportit të tij me presidentin: “Është e vërtetë, flet më shumë me Zola se sa me mua, por kjo ndodh sepse Gianfranco ka një përdorim më të mirë të anglishtes”.
NËN KONTROLL – Mbi çështjen e lojtarëve, Sarri hedh poshtë idenë që Abramovich ndërhyn seriozisht në zgjedhje: “Kjo varet vetëm nga lojtarët. Hudson-Odoi dhe Loftus-Cheek janë duke u përmirësuar, janë në formë dhe mendoj që në këtë moment mund të jenë me të vërtetë shumë të rëndësishëm për ne”. Ka nga ata që i bëjnë të ditur mungesën e gjatë të presidentit në “Stamford Bridge”, gjë që lë të mendosh një lamtumirë të mundshme nga Chelsea: “Ka problemet e tij tani, por të paktën është shumë i përfshirë dhe i lidhur me klubin dhe skuadrën. Edhe në Napoli, presidenti De Laurentiis nuk vinte çdo ditë në stërvitje, mund të ndodhte një herë në muaj, një situatë shumë e njëjtë me këtë të tanishmen”.
