“Kam thënë gjithçka dhe nuk kam thënë asgjë, si zakonisht”. Claudio Ranieri buzëqesh, është më pak i tensionuar krahasur me konferencat e para dhe duket se barazimi (mbi të gjitha pjesa e dytë) ndaj Fiorentinës i ka kthyer qetësinë. “E kuptoj që pika mund të mos duket me shumë vlerë, por për mënyrën se si erdhën situatat dhe mënyrën se si jemi përmirësuar në pjesën e dytë më bën të kuptoj që fizikisht jemi në rregull dhe nga pikëpamja mentale jemi duke u përmirësuar. Kemi më shumë besim dhe vetëdije, por dua ta shoh nesër konfirmimin”.
ZANIOLO DHE E ARDHMJA – Nesër, saktësisht, në ora 20:30 Roma në Xhenova do të përballet me Sampdorian e Gianpaolos (“E admiroj shumë, do të duhet të jemi të shkëlqyer për të përballuar presingun e skuadrës së tij”) me Perotti dhe Santon jashtë, sikurse Florenzi dhe Pastore, por me El Shaaraëy të rekuperuar. Sytë janë fokusuar mbi Zaniolo, në qendër të zërave pafund të merkatos. “Ka thënë shumë herë që do të qëndrojë tek Roma, ka një kontratë deri më 2023. Ai nuk do të iki menjëherë dhe Roma nuk ka ndërmend t’a shesë sapo t’i jepet mundësia. Ligji nuk e lejon ta zgjasë tani kontratën, presim korrikun”
DZEKO I MASAKRUAR – Nesër Nicolo do të duhet ta nisë nga fillimi, në sulm Schik do të jetë vetëm nëse Dzeko do të jetë shumë keq: “Dzeko është i masakruar, siç thuhet në Romë, për të gjithë shqelmat dhe goditjet që ka marrë. Mua më pëlqen të luajë, edhe pse të gjithë bomberat e kalojnë një periudhë “Jo” në të cilën shënojnë pak. Schik? Do të marr në provë faktorë të ndryshëm, sikurse motivin shtesë nisur nga fakti që është një ish dhe do të vendos”. Për të tjerët, Ranieri nuk çekuilibrohet: “De Rosi donte të luante me Fiorentinën, mund të na jepte një dorë të madhe. Under nuk i ka 90 minutat, ndërsa në portë do të jetë Mirante, edhe pse Olsen ka të gjithë konsideratën time”.
