Ndërkohë që ish-i dashuri i saj, Zayn Malik, po përballet me reagimin e ashpër të fansave në Instagram, të cilëve u tha që të “shkonin në të s*mës”, Gigi Hadid ka dalë për t’u argëtuar me një shok.
Ajo u fotografua në Nju Jork të mërkurën, duke shijuar darkën në një restorant sushi.
Modelja 23-vjeçare po shijonte një bisedë me Samuel Krost, i njohur më së shumti për paraqitjen në dokumentarin famëkeq të Fyre Festival.
Gigi ishte veshur shumë casual me një bluzë neon dhe një xhaketë të zezë. Dalja e saj në publik vjen menjëherë pas deklaratave publike të Zayn, që besohet se i referohen marrëdhënies me shkëputje me Gigi Hadid:
“Ti nuk je personi që thoje se ishe. Ky nuk është një vend për ndjenja”.
Zayn dhe Gigi janë ndarë pasi u raportua se modelja i druhet faktit që ata janë të papajtueshëm.
Nga ana tjetër marrëdhënia e Zayn është përkeqësuar me ish-shokun e tij, Louis Tomlinson, kështu që statuset e tij mund t’i drejtohen edhe këtij të fundit.
