Komentet pozitive për këngën dhe klipin e “Ktheju tokës” nuk kanë të ndalur! Këtë herë ishte faqja zyrtare e komenteve të Eurovision “Wiwibloggs” e cila i dha të gjitha meritat e mundshme këngës përfaqësuese të Shqipërisë në Tel Aviv.
Djemtë, përveç vokalit të Jonidës, kanë dhënë komente pozitive mbi klipin e realizuar nga Triangle Media, madje e kanë krahasuar me fabulën e serialit të famshëm “Game of thrones” dhe Jonidën me Daenerys Targaryen, nënën e dragonjve.
Ashtu si të gjithë ne, edhe ata mezi presin vazhdimin në skenën e madhe të Eurovision, pasi fundi i klipit na le gjithçka të hapur me frazën “To be continued”.
Vlen të theksohet se edhe poshtë kësaj videoje, lexojmë me qindra komente pozitive për Jonidën dhe këngën nga dëgjues të huaj, vendet amë të të cilëve janë konkurentët tanë në këtë kompeticion.
https://www.youtube.com/watch?v=MSwkPEBaEqA
