Gonzalo Higuain i ka dhënë lamtumirën Kombëtares. Në mikrofonët e Fox Sports në Argjentinë, Pipita ka njoftuar që nuk do të luajë më për Albiceleste. "Më ka shkruar Scaloni e i thashë që për kënaqësinë e shumë njerëzve, cikli im me Kombëtaren është mbyllur - ka shpjeguar sulmuesi i Chelsea - Dua të kaloj kohë me familjen time". Në lidhje me kritikat e marra në këto vite: "Kam luajtur finale, nëse kjo është të dështosh... Të dështosh është të mos kualifikohesh për Botërorin".
"Tani mund të reshtni së shqetësuari nëse jam apo jo - ka shtuar Pipita, që në dhjetor mbushi 31 vjec, duke shigjetuar kritikët e shumtë në vendlindje - Në Argjentinë diskutohet më shumë cfarë nuk është bërë se ajo që është bërë. Golat në kualifikuese janë të rëndësishme si ato në Botëror. E kam parë familjen time të vuajë më shumë se unë. Kushdo mund të thotë se mungoi kjo apo ajo, por jam munduar të jap gjithnjë maksimumin".
