Mëngjesin e sotëm, Orgesa nëpërmjet një postimi në “Instastory” ka shpërthyer kundër të gjithë atyre që hiqen si këngëtar ndërkohë që nuk kanë talent në të vërtetë.
Duke marrë shembull një personazh të huaj Kanye West, i cili performonte një nga këngët më të bukura “Bohemian Rapsody” (I just killed a man), dhe duke e vënë përballë një zëri si Freddie Mercury, Orgesa dha një mesazh ndaj të gjithë atyre që zgjedhin të jenë një “Kanye”.
“Ju lutem të gjithëve që të fokusohen në çfarë dinëtë bëjnë më mirë në jetë. Edhe unë do doja të isha miliardere apo biznesmene por jam e paaftë për ta bërë, gjithashtu mu deshën më shumë se 10 vjet që të kuptoja që unë di të këndoj dhe duhet të merrem me këtë punë dhe pse është ndonjëherë mallkim pasi ka të paaftë që s’bëjnë asgjë dhe vlerësohen maksimalisht apo bëhen ‘figura publike’ që se kuptoj se çfarë do të thotë. Ndërkohë unë e shumë të tjerë japim shpirtin këtu. Stop paaftësisë ju lutem shpëtoni jetën, ruani veshët.”,- shkroi Orgesa duke thumbuar kështu pse jo edhe disa të vetëquajtur këngëtarë shqiptarë.
