Qëkur ai dhe Khloe Kardashian u ndanë muajin e kaluar, Tristan Thompson thuhet se nuk ka qenë aq i përfshirë në kujdesin për vajzën e tij, True.
“Khloe është jashtëzakonisht e mërzitur me Tristan, sepse nuk po bën asnjë përpjekje për t’u përfshirë në jetën e vajzës së tyre”, tha një burim për “Us Weekly”.
Burimi thotë se ajo e kupton që ai ka angazhime, pasi është basketbollist i NBA-së, por nuk kupton pjesën që ai as nuk kërkon ta shohë të bijën.
Por Tristan vendosi të tregojë në mënyrën e tij marrëdhënien me të bijën. Ai u shfaq mbrëmjen e kaluar i veshur me atlete në të cilat është shënuar emri i vajzës True, i djalit Prince, si dhe i vëllait të basketbollistit, Amari.
Kështu ndoshta ai do të tregojë se gjithçka është në rregull me sjelljen e tij si prind!
Të mbledhë para për personat që vuajnë nga epilepsia është diçka e rëndësishme për Tristan.
Vëllai i tij më i vogël vuan nga kjo sëmundje dhe familja e tij hapi fondacionin “Amari Thompson Fund” për të ndihmuar të tjerët.
