Javën e kaluar, interneti zieu kur u vu re se Kim Kardashian ka zgjedhur të njëjtat veshje që Naomi Campbell ka veshur në vitet ’90.
Përdoruesit e rrjeteve sociale e quajtën një kopjim veprimin e Kim-it pasi nuk bëhet fjalë për një rastësi, por për shumë të tilla:
“Hera e parë është një aksident. Hera e dytë është rastësi. Hera e tretë është kopjim”, shkruhej në një postim në Twitter që u shpërnda gjithandej.
Pastaj, gjërat u bënë edhe më të çuditshme kur Kylie Jenner u fotografua me një palë syze dielli dhe choker të njëjtë me të Naomi-t.
Por le të mbetemi te Kim. Ajo vendosi më në fund që t’u kthejë përgjigje të gjitha pyetjeve me postimin e radhës në Instagram.
Kim ka postuar një seri fotografish nga martesa e Chance the Rapper, ku mbante veshur një nga fustanet e Naomi-t, ndërsa shkruante: “Naomi Përgjithmonë”.
Fansat u gëzuan shumë për faktin që Kim më në fund po ia njeh meritat e këtyre veshjeve, supermodeles.
Që të tregohemi të sinqertë, puna e Naomi-t si një supermodele është të frymëzojë njerëzit që të veshin rrobat që ajo reklamon, prandaj fakti që Kim është frymëzuar do të thotë se Naomi e ka bërë siç duhet punën e saj.
