Thuajse një muaj më parë, inetrneti mbarë do të çmendej pas lajmeve për skandalin e radhës në familjen Kardashian, ku partneri i Khloe Kardashian, e kishte tradhtuar këtë të fundit me shoqen e ngushtë të motrës së saj Kylie Jenner, Jordyn Woods.
Lot u derdhën, ofendime vërshuan, profile në Instagram ndaluan së u ndjekuri dhe sot, duket se më në fund shoqërisë mes Kylie-t dhe Jordyn-it i është vënë kapaku njëherë e mirë.
Burime pranë dy ish-shoqeve të ngushta kanë bërë me dije për “TMZ” se vajzat nuk kanë folur më me njëra-tjetrën dhe se Jenner ka marrë një vendim.
“Kylie ka hequr dorë nga pajtimi dhe po bën përpara.”- ka thënë burimi.
Mësohet se ndonëse më parë është raportuar se vajzat kishin kontaktuar njëra-tjetrën, në marrëdhënien e tyre nuk është bërë asnjë progres dhe tashmë nuk flasin më. Arsyeja? Mesa duket shkak për ndërprerjen e marrëdhënies mes tyre është bërë intervista famëkeqe e Jordyn në emisionin “Red Table Talk”, ku ajo mohoi të kishte shkuar në shtrat me Tristan Thompson.
Sipas “TMZ”, intervista pati efektin e kundërt dhe në vend që ta riafronte atë me Kylie-n, e largoi edhe më tepër pasi thuhet se miliarderja pas emisionit kuptoi se gjërat nuk do të ishin kurrë si më parë. Me pak fjalë, Kylie tashmë po pret që Jordyn të marrë plaçkat nga shtëpia e saj dhe të vuloset njëherë e mirë fundi i miqësisë.
