Gjithcka mund të thuhet për Zlatan Ibrahimovic përvec se kur flet nuk shkakton reagime. E ka konfirmuar intervista e dhënë për "Mirror", në të cilën mbrojti José Mourinho nga kritikat e ish-lojtarëve të Manchester United. "Nuk jam më në klub, por nuk mund të ankohen gjithë kohën. Rrethi i ish-lojtarëve të Ferguson nuk më pëlqen, sepse kanë nisur të flasin pasi ai u largua, jo më parë", ka thënë suedezi duke iu referuar mbi të gjithëve Gary Neville, Paul Scholes e Paul Ince.
Një nostalgji për kohët kur punonte me Special One për shtatlartin e sulmit që ka rrëfyer edhe një anektodë në kohën kur të dy ishin tek Inter: "Tek Inter u ndodhëm në një situatë kur kishim bërë një pjese loje shumë të keqe e ai më kritikojë në dhomat e zhveshjes para gjithë skuadrës. Duhet të merrja cmimin si lojtari më i mirë në Itali, por ai më tha: kur të shkosh në atë skenë e të marrësh trofeun tënd, duhet të të vijë turp për mënyrën sip o luan tani, nuk e meriton. Nuk është dicka e re që ai kritikon lojtarët, por varet si reagojnë ata. Unë I thashë vetes se do dilja përsëri në fushë për të treguar se mund të bëja më mirë". Gjë që natyrisht Pogba e të tjerët nuk e kanë menduar njësoj, duke parë si rrodhën gjërat për teknikun portugez në Old Trafford.
