Napoli, më tepër se fitorja që i konsolidon pozitat në vendin e dytë, e ka mendjen në gjendjen e David Ospina. Portieri kolumbian në të 41' e sfidës kundër Udinese është detyruar të dalë nga fusha me barelë, pasi është rrëzuar papritur në fushë dhe është transportuar me urgjencë në spitalin Cardarelli, ku i janë bërë disa qepje në kokë. Kontrolli ka dhënë rezultat negativ, por gjendja e portierit po monitorohet vazhdimisht.
Ospina në fillim të ndeshjes është dëmtuar në kokë, duke u përplasur me Pussetto, por ka qendruar në fushë i fashuar. Sipas të dhënave të para, portieri ka humbur ndjenjat për disa sekonda, kur është rrëzuar përtokë, por në spital ka qenë koshient.
