Fifa i ka dhënë rrugë të lirë Botërorit të ri për Klube, që do të diskutohet duke filluar nga 2021, mes datës 17 qershor 4 korrik. "Sot jam vecanërisht i lumtur për gjithë futbollin - komentoi numri një i futbollit botëror Gianni Infantino -. Kemi marrë vendime të rëndësishme, por një në vecanti: nga 2021 do të kemi një Botëror të ri për Klube, që do të ketë sigurisht një impakt fantastik mbi lëvizjen futbollistike për klubet e nivel ndërkombëtar”.
“Nga sot do të kemi një kampionat të vërtetë dhe një kampion të vërtetë të botës për klube - vazhdoi Infantino -. Vendimi është marrë për ta luajtur në vend të Confederations Cup. Në vitet pasuese do të flasim për kalendarin e ri me gjithë ndeshjet në fjalë e pastaj do të vendosim si do të organizojmë Botërorin për Klube. Në 2021 nuk do të luhet në Qatar sepse do të jetë verë dhe bën nxehtë. Botërori i ri do të ketë një impakt fenomenal dhe tifozët do ta adhurojnë”, ka shtuar presidenti i FIFA.
Por nëse Infantino po cmendet nga gëzimi, beteja është e gjitha për tu zhvilluar. Eca, në fakt, përmes presidentit Andrea Agnelli, vazhdon të jetë kundër manifestimit e ka bërë të qartë pozicionin e saj kundërshtues: "Shoqata është kundër cdo tip ndryshimi për Botërorin e Klubeve, e asnjë shoqëri që i përket ECA nuk ka ndërmend të marrë pjesë".
