Probleme të tjera për Neymar, sikur të mos mjaftonte dëmtimi që vazhdon ta mbajë jashtë fushave të lojës. Braziliani i PSG duhet të përballet tani me një hetim disiplinor nga Uefa, për kritikat e forta drejtuar arbitrimit, pas eleminimit të Psg në 1/8 e Champions League përballë Manchester United. "Eshtë një turp - kishte thënë braziliani në rrjetet sociale pas ndeshjes -. Vendosin edhe katër persona që nuk kuptojnë fare nga futbolli, të shohin një aksion me replay...".
Sulmuesi i Paris Saint Germain, që nuk luan nga janari për shkak të dëmtimit në këmbë, tani rrezikon gjobë ose një skualifikim për ta kryer në sezonin e ardhshëm europian.
