Jo vetëm artistet femra mund të provokojnë me (zh)veshjen, por edhe meshkujt. Durim Morina, i njohur me emrin e artit Mirud, njoftoi se shumë shpejt do të publikojë këngën e tij më të re me titull “Cleopatra”.
Këngëtari shqiptar vjen në këtë projekt me një bashkëpunim me shtëpinë e njohur diskografike “Sony Music” dhe ai ka vendosur që të bëjë zhurmë me koverin e këngës, pasi ka vendosur të pozojë nudo.
Ndjekësit e Mirudit janë bërë kuriozë të dinë nëse në foton e fundit të publikuar në Instagram është pa asnjë rrobë në trup.
“Po, në art koverin e këngës jam nudo!”, iu përgjigj këngëtari një prej ndjekësve.
Në mbishkrimin e fotos ai shprehet se është shumë i emocionuar:
“Ndihem sikur kam pritur gjithë jetën time për të njoftuar këtë këngë. Faleminderit të gjithëve që unë jam këtu ku jam sot”.
Kujtojmë se Mirudi mori pjesë në Festivalin e RTSH-së me këngën “Nënë”. Ai jeton prej rreth 8 vitesh në SHBA dhe duket se po hyn në tregun amerikan të muzikës, ku arriti suksesin më të madh me këngën “Puzzle”.
