Klaudio Ranieri, trajneri i ri i Romës, ka shprehur ndjesitë e tij pas firmës mbi kontratën që e lidh atë me klubin verdhekuq deri më 30 qershor 2019. Për Roma TV, tekniku kampion me Leicester në Premier League, ka shpjeguar përse nuk e refuzonte dot thirrjen romane, edhe pse oferta ishte për vetëm tre muaj: “Të kthehesh në Romë thotë shumë dhe gjithçka. Kam qenë gjithmonë tifoz, lojtar dhe trajner i kësaj skuadre. Kishte shumë që flija natën, por këtë natë, kur e kam mësuar që do të isha unë trajneri i kësaj skuadre, nuk kam vënë gjumë në sy. Roma është Adn-ja ime”.
Ranieri ka nostalgji për kryeqytein dhe nuk humb rastin ta tregojë: “Mund të them që e gjithë jeta ime është e lidhur me këtë klub. Kur luaja në Katania dhe bënim ndeshjet shtesë këtu vija këngët e Venditit për të karikuar skuadrën. Kam gjetur një Trigoria të ndryshuar. Në këto 12 ndeshje do t’i kërkojë lojtarëve të japin më të mirën. Duhet ta ndjejnë vlerën e kësaj fanelle. Pas dy humbjesh dhe daljeje nga Champions do të jenë të mundur dhe mendërisht. Do të duhet të reagojnë si burra, sepse tashmë gjithçka është e kaluar” ka përfunduar deklaratën e tij emocionale tekniku i mrekullive sic e konsideruan në ishull pas suksesit të paimagjinueshëm me Dhelprat, ndonëse ky term u fashit pas pas shkarkimit të tij në Londër nga Fulham.
