Që nga dita e djeshme Kylie Jenner është miliarderja më e re në moshë, që ka rritur gjithçka falë punës së saj. Tashmë që arriti këtë status, Kylie ka filluar të mendojë edhe për jetën private. Disa burime për “Hollywood Life” kanë treguar se miliarderja do t’i kërkojë partnerit të saj, Travis Scott, që të firmosë një kontratë paramartesore. “Kylie është e shqetësuar për fejesën apo martesën me Travis. Tani që është miliardere ajo do t’i kërkojë atij të firmosë kontratën më të rëndësishme për të mbrojtur të gjithë pasurinë e saj”, – kanë thënë burimet për “Hollywood Life”. Megjithatë ata e shohin martesën shumë larg, sidomos tani pas tradhëtisë së Travis. Madje statusi i miliarderes duket se do të ndikojë akoma dhe më shumë në vendimin e Kylie-t për t’u martuar apo jo me partnerin e saj.
