Fejesën e tyre e mësuam vetëm përmes një fotoje të unazës. Por historia që fshihet pas propozimit është akoma më romantike dhe qesharake.
Në Ditën e Shën Valentinit aktori Orlando Bloom i propozoi këngëtares Katy Perry dhe kjo ndodhi në një helikopter.
“Shkuam për një darkë dhe mendova se do të shihnim më pas ndonjë art, por hipëm në një helikopter”, tha këngëtarja për Jimmy Kimmel.
Nga atje, çifti fluturoi mbi Los Angeles, por gjërat nuk kishin shkuar siç ishin planifikuar nga aktori i famshëm.
“Pjesë më qesharake është se kishim shampanjë në helikopter dhe kutia e unazës ishte në xhep dhe ai kishte shkruar gjithçka që donte të thoshte në një copëz letre. Ai e nxori jashtë unazës, ndërsa unë po lexoja letrën, por dëgjoj shishen e shampanjës që bie poshtë dhe thyhet. Ai tenton të nxjerri unazën, kutia e së cilës është shumë e madhe për xhepin e palltos, që më pas shkepet”, tregon këngëtarja.
Pavarësisht kësaj ajo u shpreh se çdo gjë shkoi shumë mirë. Helikopteri u ul diku në qendër të qytetit, ku familja dhe miqtë e këngëtares po e prisnin.
Çifti nisi lidhjen në vitin 2016, por u nda në mars të vitit 2017-s, për t’u rilidhur sërish në fillim të vitit 2018.
