Stilistja e njohur Victoria Beckham ka zbuluar disa të pathëna rreth stilit të saj dhe jetës private në një video të re live që publikoi në YouTube, ku dokumentoi udhëtimin e saj në New York për bashkëpunimin e ri me markën Reebok.
Ajo ishte zgjuar që në orën 4:00 të mëngjesit për t’u bërë gati dhe në kohën kur kamerat mbërritën dhoma e saj e hotelit ishte kthyer përmbys.
Victoria tregoi se rrëmuja është arsyeja përse David çmendet fare kur hyn në dhomën e gjumit për të fjetur.
“Ju mund ta shihni se pse e çmend bashkëshortin tim, sepse ai është super super-i rregullt”.“Unë jam e fiksuar pas baktereve, kudo dua të jetë super super-pastër. Unë do të dezinfektoj çdo gjë, por unë jam pak e çrregullt, çfarë të bëj? ‘
Ndërsa po ecte në dhomën e gjumit, ajo shtoi: “Kjo do t’i shkaktonte David një sulm paniku tani”.
Në një intervistë në vitin 2015, Davidi pranoi se nuk e duron dot rrëmujën:
“Nuk mund të fle natën para se çdo gjë të jetë e rregullt. Qëndroj deri në orën një të mëngjesit duke u siguruar që çdo gjë të jetë e rregullt”.
Victoria gjithashtu zbuloi një sekret të çuditshëm për flokët e saj me shkëlqim – dhe për këtë ju duhet një furçë dhëmbësh.
Stilisti i saj i flokëve, Ken Paves, përdor këtë krehër si furçë, për të zbutur flokët e dala sipër dhe për t’iu dhënë atyre drejtim.
