“Universal Pictures” nisi fushatën reklamuese për filmin e ri, spinoff-in e “Fast ad Furious”, “Hobbs and Shaw”, me protagonistë kryesorë Dwayne Johnson e Jason Statham.
Dy aktorët do të marrin pjesë në aventurën plot me aksion dhe tepër argëtuese. Në kast janë edhe Idris Elba, Vanessa Kirby, Eiza Gonzalez, Eddie Marsan e Stephanie Vogt.
The Rock është gjithnjë aktiv në rrjetet sociale dhe përmes tyre falënderoi të gjithë personat që morën pjesë në realizimin e filmit, që pritet të projektohet më 2 gusht: “Faleminderit të gjithëve që vunë në dispozicion talentin dhe kohën e tyre, për të realizuar këtë film të madh, dhe që më besuan për ta çuar përpara këtë projekt”.
