Eksod i pandalshëm tek Flamurtari: Albi Alla dhe Agustin Torassa transferohen në Kinë

Fitore që dukej se ishte oguri i mirë, në pritje të përmbushjes së premtimit të bërë për zgjidhjen e problemeve financiare. 2-0 kundër Skënderbeut duhet të ishte fitorja e qetësisë, duke qenë se tashmë është ngushtuar në 6 pikë diferenca që e ndan nga zona Europiane, por nuk ka qenë kështu. Vetëm dy ditë nga suksesi, nga Flamurtari largohen të tjerë lojtarë dhe shumë të rëndësishëm madje. Mbrojtësi Albi Albi dhe sulmuesi Agustin Torassa nuk janë më pjesë e kuqezinjve zyrtarisht dhe kjo është konfirmuar edhe në rrjetet sociale nga vetë protagonistët. Mbrojtësi pogradecar, që me zhurmë u transferua nga Kukësi pas një krahu të hekurt me verilindorët, do të vijojë tashmë karrierën në Kinë, me skuadrën e Janbian. Klubi vlonjat ka arritur mirëkuptimin me lojtarin, për të zgjidhur kontratën, natyrisht duke hequr dorë nga detyrimet që vlonjatët i kanë. Praktikë e njohur kjo, dhe e aplikuar edhe me argjentinasin Torassa, gjithashtu i transferuar në Kinë. Sulmuesi nuk ka qenë prezent në seancën e fundit stërvitore të vlonjatëve, në rinisjen e përgatitjeve të kuqezinjve për ndeshjen kundër Partizanit. Të dy lojtarët ndodhen në Kinë për të firmosur kontratat e reja, por nëse Alla pret prezantimin në klubin e ri Torasa, duhet ende të gjejë akordin me Flamurtarin për daljen e shpejtë nga klubi. Të dy lojtarët kishin përcaktuar afat ditën e premte për kalimin e pagave, gjë që nuk ka ndodhur dhe në këtë mënyrë kanë proceduar me negociatat që ishin prej javësh të ngritura. Ikja e këtyre dy lojtarëve, e ka shndërruar në eksod të vërtetë largimin nga Flamurtari, pas Bushic, Alvesh, Useini dhe Siljanovski. Situatë e vështirë tashmë për trainerin, Ilir Daja, që nga skuadra e fillim sezonit ka pësuar mjaft firo, duke bërë që objektivat e kuqezinjve të vihen realisht në pikëpyetje të madhe. Nga burime brenda klubit mësohet se edhe braziliani, Elton Kale, është gati të prishë kontratën, në rast se pagat vonojnë ende: etapa e fundit ulja në bisedime me drejtuesit e klubit vlonjat.

View this post on Instagram

Qe sot nuk do jem me pjese e Flamurtarit. Falenderoj çunat e ekipit per keto 6 muaj te kaluara ne menyre te shkelqyeshme sebashku, nje grup shume i forte qe do e mbaj mend gjate. Falenderoj drejtuesit e klubit per mirekuptimin dhe presidentin Sinan Idrizi per mbeshtetjen e tij ne lidhje qe karriera ime futbollistike te heci sa me perpara dhe duke mos me krijuar asnje lloj pengese. Do ju jem gjithmone mirenjohes qytetit te Vlores dhe flotes ?⚫️... Me respekt, A.A.6

A post shared by Albi Alla (@albi_alla_) on Feb 19, 2019 at 12:42am PST