Justin Bieber i cili së shpejti pritet të bëjë dasmën e shumëpritur me supermodelen Hailey Baldwin, vetëm pak ditë më parë rrëfeu publikisht se është duke u përballur me një gjendje jo të mirë emocionale.
Përgjatë një interviste për “Vogue”, Justin ka folur për mënyrën si fama ka ndikuar tek ai: “Përfundova duke bërë gjëra për të cilat më vinte turp t’i bëja, u bëra i pamoralshëm dhe kam përdorur Xanax sepse më vinte turp nga vetja.”
Ndërkohë, së fundmi nëna e tij, Pattie Mallette ka reaguar për herë të parë për këtë çështje.
43-vjeçarja ka deklaruar për “TMZ” se: “Ai bën një jetë ku është gjithmonë në qendër të vëmendjes. Është tepër e vështirë për të!”
Përflitet se aktualisht Justin kurohet për depresion, megjithatë e ëma e tij nuk e konfirmoi një gjë të tillë.
