Janë pesë lojtarë në La Liga, dy në Premier League e Ligue 1 e një në Serie A. Ky është indeksi parësor i klasifikimit të futbollistëve më të paguar të Europës, që është dizenjuar nga L'Equipe. Në vendin e parë, edhe pse nuk është surprizë, është Lionel Messi, që fiton shumën e frikshme 8,3 milionë euro në muaj. Duhet nënvizuar, në muaj. Kjo i vlen edhe më shumë, kur pas ka lënë rivalin e përjetshëm Cristiano Ronaldo, që ndalon tek 4,6 milionë, gjithnjë pa lloogaritur taksat.
Në podium është një tjetër lojtar që luan në Spanjë, Antoine Griezmann, me 3,3 milionë. I pari nga Ligue 1 është Neymar me 3 milionë, ndërsa për të gjetur një lojtar në Premier, duhet zbritur në vendin e tetë ku është Alexis Sanchez me 2,3 milionë.
