Zhvillohet sot nata e katërt e Festivalit të 69 të muzikës italiane, Sanremo 2019.
Sot është Nata e Dueteve e 24 këngëtart në garë do të përformojnë me të ftuarit e tyre specialë. Një prej tyre është kantautori shqiptar Ermal Meta.
Ai do të përformojë në shoqërinë e këngëtarit italian Simone Cristicchi, me këngën konkurruese “Abbi cura di me”.
Kjo këngë është pritur mjaft mirë nga kritika e muzikës italiane por dhe nga publiku italian.
Është një mesazh universal i bukurisë së shpirtit, lumturisë, vuajtjes e faljes.
“Më pëlqeu menjëherë kënga e jam një fan i muzikës poetike të Simone Cristicchit , prandaj pranova të marr pjesë në këtë natë duetesh në Sanremo”, është shprehur artisti shqiptar Ermal Meta.
“E këtë gjë nuk do ta bëja për këdo”, ka thënë ai.
Plot një vit më parë Ermal Meta në duet me këngëtarin italian Fabrizio Moro u shpallën fitues të Sanremos 2018 me këngën “Non mi avete fatto niente”.
Sivjet ky Festivali prezantohet nga aktorët komikë Virginia Rafaelle e Claudio Bisio si dhe nga kanatautori i njohur Claudio Baglioni i cili prej dy vitesh është njëherësh dhe Drejtori Artisitik i Sanremos.
Tre netët e para të Sanremo 2019 kanë regjistruar mesatarisht rreth 10 milionë telespektatorë e të shtunën 9 shkurt do të mbahet nata e finale e shpalljes së këngëve fituese.
