Presidenti i Psg, Nasser Al Khelaifi, është futur të bëjë pjesë në Komitetin Ekzekutiv Uefa për dyvjecarin 2019-2021, zgjedhur me brohoritje pasi u propozua nga ECA, shoqata e klubeve europiane me president Andrea Agnelli. Një zgjedhje, ajo për të nominuar kreun e klubit parisien, që ka krijuar ca dyshime, duke parë problemet e fundit të Psg e City, në lidhje me Fair Play Financiar.
Një investigim i Mediaset shpjegon edhe arsyet që cuan në këtë zgjedhje, duke qenë se nga ana e imazhit nuk është ajo më e mira. Cudit në fakt motivi se përse një personazh kaq i diskutueshëm për thyerje rregullash zgjedhet brenda Komitetit Ekzsekutiv Uefa.
Në këtë komitet bëjnë pjesë dy përfaqësues të ECA: një është Andrea Agnelli që është presidenti e tjetri Ivan Gazidis, tani administrator i deleguar i Milan. Pikërisht ky rol i ri ka sjellë dorëheqjen e ish-Arsenal, sepse nuk mund të ishin dy përfaqësues skuadrash nga i njëjti shtet për ECA, kështu që me kërkesë të Agnelli u vendos që të zgjidhej presidenti i një klubi të rëndësishëm në pesë kampionatet kryesorë europianë.
Emrat nuk mungonin. Presidenti i Lione, Aulas, nuk u preferua për shkak të moshës, ndërsa ai i Barcellona Bartomeu hoqi dorë për shkak të impenjimeve të mëdha. Real Madrid për të tjera cështje nuk u mor në konsideratë, ndërsa Manchester United kishte përfaqësues në komitet në rol tjetër. Mbetej Al Khelaifi, që është edhe presidenti i BeIn Sports, që ka të drejtat tv të kompeticioneve Uefa.
